ПВЦ Столарија
Со поставувањето на ПВЦ прозорците дојдовме до фазата затворена карабина. Изведувачот е една од најпознатите и веќе докажани компании на домашниот пазар од оваа дејност – “Проспера” од Куманово.
Поставените ПВЦ прозорци се со шестокоморен профил и двослојно термопан стакло за 4 сезони. Профилите се производство на Trocal од Германија. Една од предностите на овој вид на профили, покрај квалитетот, е и изоставувањето на оловото како стабилизатор во процесот на производството со што се отстранува штетното дејство на овој отровен метал. Стаклата, пак, се производство на американската компанија Guardian која е специјализирана за производство на специјални нискоемисиони стакла со меко покритие со кое се зголемуваат изолаторските својства на самото стакло. Истотака, прозорците се исполнети со гас Аргон со што топлинската изолација на самиот прозор е зголемена за уште 10%.
ФАЗА ЕЛЕКТРИКА, ВОДА И КАНАЛИЗАЦИЈА
Паралелно со покривањето на зградата, започна и поставувањето на електрична, водоводна и канализациона мрежа. За оваа фаза се ангажирани фирми кои се веќе докажани во својата област. Самата специфичност на оваа фаза бара добро изготвен план за работа, многу внимателност и прецизност кај изведувачите. Како и кај претходните фази, инвеститорот и изведувачот ќе обезбедат висококвалификувани експерти од ќе се извршат низа испитувања и инспекции како на материјалот што ќе биде употребен, така и на целата фунционалност на оваа фаза.
ПОСТАВУВАЊЕ КРОВ И КРОВНА ИЗОЛАЦИЈА
Активностите на нашиот станбен објект А2 во Маџир Маало продолжуваат со предвиденото темпо. Фазата ѕидање е завршена, со што се оформени сите катови, односно сите станови во зградата. Крајот на оваа фаза им овозможи на нашите клиенти да добијат појасна слика околу распоредот на собите и становите и веќе започнуваат првите официјални планови околу уредувањето на самите станови.
Наредна фаза која што следува е покривањето на зградата, односнопоставување на кровот. Кровната конструкција е оформена од дрвени греди и покриена со даски, тондах фолија и висококвалитетен челично-пластифициран лим. Како и кај сите фази од изградбата досега, така и кај оваа фаза се работеше многу претпазливо и плански за да се постигне крајната цел, односно правилно и квалитетно спроведување на атмосферската вода преку падови, хоризонтални и вертикални канали (олуци).
За да се постигне потребната енергетска ефикасност на зградата, пак, поставивме топлотна изолација над последната плоча во поткровниот простор. Изолацијата се состои од 15 цм тервол (фибран) со што се задоволени високите стандарди за енергетска ефикасност на зградата поставени од надлежните институции. Од превентивни мерки, поставена е ”кондор” трака под хоризонталните олуци како изолација на тој дел од кровот.
КРАЈ НА ФАЗАТА БЕТОНИРАЊЕ И ЗАПОЧНУВАЊЕ СО ЅИДАЊЕТО
Стручноста на нашиот менаџерски тим како и на изведувачите на нашиот станбен објект А2 во Маџир Маало, овозможи забрзано и квалитетно градење, односно завршување на одредени фази од градењето пред предвидените рокови. Градежните работи се одвиваат во една динамична атмосфера, предводени од тим на професионалци во оваа област, кои се грижат да бидат опфатени сите елементи на квалитетна и енергетски ефикасна изградба на идните домови на нашите граѓани.
Фазата бетонирање е завршена со што е поставен “скелетот” на станбениот објект. За време на оваа фаза направени се низа испитувања од нашите институции кои само го потврдија квалитетот на бетонот кој е вграден во нашиот објект. Извршени се испитувања и на механичката отпорност, стабилноста и сеизмичката заштита на градбата, за кои истотака е добиено зелено светло за продолжување со наредните фази од градењето.
Веднаш по направените проверки и испитувања од нашите соодветни институции и нивното одобрување, започна фазата ѕидање. Се користат квалитетни термо блокови за надворешните зидови кои заедно со термофасадата и квалитетната ПВЦ столарија ќе им овозможат на идните станари одлична термо изолација. Звучната изолација помеѓу становите, пак, е регулирана со системот “сендвич ѕидови”
Како ќе изгледа Вашиот нов дом?
Ако планирате да купите нов стан, тогаш сигурно од животниот простор сакате да создадете топол и удобен дом.
Затоа направивме 3Д рендери на становите, со цел да ви го доближиме распоредот и просторот на истите.
Станот oд 90м², го уредивме со цел да ви ја доловиме атмосферата во која би живееле со вашето семејство
Инспирација за уредување, за станови со ваква квадратура и како да го искористите максимумот од нив.
Благодарение на добриот план и распоред, станот располага со простран дневен престој, кујна, три спални соби, две бања и балкон, одговарајќи на потребите за живот на повеќе семејство. Погледнете ги фотографиите и пронајдете ја омилената идеја за вашиот дом.
Поставување хидроизолација во темелната плоча на објектот А2
Поставување хидроизолација на темелната плоча со производите на Sika – најпознатата светска компанија која меѓу другото нуди и најсовремени и најквалитетни хидроизолациони материјали и системи.
Изградбата на енергетско ефикасен објект продолжува со целосно нови критериуми во овој сектор на недвижности во Македонија. Изведбата на вакви градителски проекти бара нови вештини и знаења на професионалниот кадар на компанијата, но и на самите градежни работници на градилиштето.
Врвен квалитет на изградба и материјали почнувајќи од термо блоковите, енергетско ефикасните прозорци и дебелината на нивното стакло, термичката фасада на зградата до енергетско ефикасните врати со кои целосно се заокружува процесот на обезбедување минимална потрошувачка на топлинска енергија во идните станови како и заштита на животната средина.
